ဓမ္မ နဲ့ လူသား (၂)

အခန်းထဲ တစ်ပါးတည်း ပျင်းပျင်းရှိတာမို့

အခန်းထောင့်ကပ် ကော်ဖီတစ်ခွက်နှင့် မင်းခိုက်စိုးစံ နေမိသည်။

တကယ်တော့ ရဟန်းနှင့် မင်းခိုက်စိုးစံ ဆိုတာ သိပ်တော့လည်း အာပါတ်မလွတ်လှ၊

ဒီ စာရေးဆရာက အပီ ရေးချလိုက်ရင် ဆိုင်တာ မဆိုင်တာ အပထား ရဟန်းခမျာ

ဧကသီလေး ကွယ် ၊ လက်တစ်ဖက်နဲ့ အီး ရွှတ် လုပ်ရတာရယ်၊

“စိတ် အမောတွေ ဖြေဖျောက်ဖို့ စာအုပ်တွေက ဘဝရဲ့ အကောင်းဆုံး ပဲ့တွေပဲ”  ဆိုတဲ့ မဟာ သံန္ဒိဋ္ဌာန်တော်ကြီးနဲ့ စာမျိုးစုံ ဖတ်နိုင်အောင် ကြိုးစားခဲ့ခြင်းသာဖြစ်သည်။(ထားပါတော့)

ကိုယ်ဖတ်နေတဲ့ စာလေးက “ပရောမီးသယပ်စ် သေဆုံးခြင်း” တဲ့ လူသားတွေ ကောင်းကျိုးကို လိုလားတဲ့ နတ်ဘုရားတပါးရဲ့ နောက်ဆုံး ဇာတ်သိမ်းခန်းလေး အကြောင်း ဆရာက  လှလှပပလေး ဖွဲ့သွားသည်။(မြင်းထိန်းငတာ ရဲ့ ချီးမွမ်းပုံမျိုးလည်း ဖြစ်နေမှာ စိုးရသေး)

လူသားတွေ အတွက် မီးဓာတ်ကို ခိုးသယ်လာပေးခဲ့လို့ ဇုနတ်မင်းရဲ့ အမြတ်တော်ရှပြီး ကော့ကေးဆပ် တောင်မှာ အကျဉ်းကျ၊  နှလုံးသားကို လင်းတ စားခံရတာတောင် လူသားတွေ အကျိုးကို အမြဲလိုလားပြီး လူသားတွေရဲ့ သိမ်ငယ်စိတ်ကို အမြဲ ဖြည့်ဆည်းပေးလိုတဲ့ ဒီ နတ်ဘုရား ပရော်မီးသယပ်စ်က နောက်ဆုံး ဟာကျုလီ ရဲ့ အကူညီနဲ့ အကျဉ်းထောင်က လွတ်၊ လူသားတွေ အကျိုးကို သယ်ပိုးဖို့ လောကကြီးထဲ ပြန်သွား၊ လူသားတွေ အကုန်လုံးရဲ့ ကောင်းကျိုးကို လိုလားခဲ့လို့ လူသားတွေ ပေးတဲ့ လက်ချက်နဲ့ သေဆုံးသွားရပုံလေး ၊ (အော် ကောင်းပေစွ ကောင်းပေစွ)

ဖြစ်ချင်တိုင်း ဖြစ်ပျက်နေတဲ့ လောကကြီးမှာ တခါတလေ ဝင်ပြောထောက်ပြတတ်တဲ့ သူတော်ကောင်းတွေရဲ့ ပါးစပ်ဟာ လူမုန်းခံရတတ်ပါတယ်၊

……………………………………………………..

ဗုဒ္ဓဝါဒ အရပေါ့လေ

ဥပါဒ် ဌီ ဘင် ဖြစ် တည် ချုပ် ဆိုတာလေး ဆွေးနွေးမိတော့

သူငယ်ချင်း ဟိန္ဒူ ပုဏ္ဏားလေးရဲ့ “ဥုံ” ဆိုတဲ့ အဓိပ္ပါယ်လေးကို စိတ်ဝင်တစား နားဆင်မိတယ်၊

ဥုံ ဆိုတာ ဟိန္ဒူ ဘာသာ အရ ဘုရား သုံးဆူကို ကိုယ်စားပြုပါသတဲ့၊

ဣသွာရ ဘုရားသခင်ဟာ တစ်ဆူတည်းသော ထာဝရ ဘုရားသခင် ဖြစ်ပေမဲ့ဘုရားသခင်ရဲ့ ဂုဏ်တော်တွေ အလိုက် ကိုယ်ပွါး ဘုရား သုံးဆူ ရှိပါတယ်၊

(၁) ဗြဟ္မာ

(၂)ဗိဿနိုး

(၃)သျှီဝ ဆိုပြီးတော့ပါ၊

ဟိန္ဒူဘာသာ ဝင်များဟာ ဘုရားသုံးဆူကို တဆူခြင်း ကိုယ်ကွယ်မှုလည်း ရှိပါ သတဲ့၊

ဣသွာရ ဘုရားသခင်ဟာ လောကကြီးကို ဖန်ဆင်းရုံသာ မဟုတ်ပဲ ထိန်းသိမ်းစောင့်ရှောက်ခြင်း အချိန်ကျလျှင် ဖျက်သိမ်းခြင်း၊များကို  စနစ်တကျ ပြုလုပ်ပေးပါသတဲ့၊

ဒါပေမဲ့  ဣသွာရ ဘုရားသခင်ဟာ တလက်တည်းနဲ့တော့ ဒီလုပ်ငန်းကြီး ၃ခုကို လုပ်တာ မဟုတ်ပါဘူး၊

ဖန်ဆင်းခြင်း အလုပ်ကို ဗြဟ္မာ ဘုရားက လုပ်ရပြီး၊ ကမ္ဘာကြီး အတွင်း သက်ရှိ သက်မဲ့ အရာဝတ္ထုတွေကို စနစ်တကျ ဖန်တီးပေးရပါတယ်၊

ဖန်ဆင်းပြီးရင်လည်း ကမ္ဘာကြီးကို ဖြစ်သလို မထား၊ အမြဲတစေ ကြည့်ရှု စောင့်ရှောက် မွမ်းမံတော် မူပါသေးသတဲ့၊ ဒီတာဝန် ကိုတော့ ဗိဿနိုး ဘုရားရှင်က တာဝန်ယူရပါတယ်၊

ဒါကြောင့် ဗိဿနိုး ဘုရားဟာ လူသား တွေရဲ့ ချစ်ခင်မှုကို အများဆုံး ရရှိတော်မူပါတယ်၊

ဗိဿနိုးဘုရားသခင်ဟာ လူသားတွေရဲ့ အသိဥာဏ် ဖွံ့ဖြိုးရေး၊ လိမ်မာယဉ်ကျေးပြီး အထက်တန်းရောက်ရှိနိုင်ရေး၊ လူသားတို့အား တရားလမ်း ညွှန်ပြ၍ အဓမ္မလို့ခေါ်တဲ့ မတရားမှု များမှရှောင်ကြဉ်ရေး၊ သူတော်ကောင်းတရား ပြန့်ပွါးရေးတို့ အတွက် ကိုယ်တော်တိုင် လူပြည်သို့ အဝတာရ ၁၀ ပါး အဖြစ်နဲ့ လူ့လောကကို ဆင်းသက်၊ အမှန်တရားနဲ့ လူ့လောက ကောင်းကျိုးအတွက် ဆောင်ရွက်ရပါသတဲ့၊(အဝတာရ ၁၀ပါးတော့ ရှည်မှားစိုး၍ မပြတော့ ဟူလို)

ဖန်ဆင်း တည်ဆောက် ပြီးရင်တော့ ဒီအတိုင်း ထားလို့ မရ၊ ဖျက်သိမ်းခြင်း လုပ်ငန်းကို ပါ လုပ်ရပါသေးတယ်၊

ကမ္ဘာကြီးရဲ့ အဖျက်လုပ်ငန်း မှန်သမျှကို သျှီဝက တာဝန်ယူရပါတယ်၊

ဣသွာရ ဘုရားသခင်ဟာ ဖို၊မ အစုံရှိတဲ့ ဘုရားသခင် ဖြစ်လို့ အပွါးတော် ဘုရား သုံးဆူဖြစ်တဲ့ ဗြဟ္မာ၊ ဗိဿနိုး၊ သျှီဝ တို့မှာ ကြင်ယာဖက် ၃ ပါးလဲရှိပါသေးတယ်၊

သူတို့ကတော့

သူရဿတီ၊ လက်ချမီး၊ ပါရာဝတီ  တို့ဖြစ်ပါတယ်၊

ဗြဟ္မာရဲ့ ကြင်ယာဖက် သူရဿတီဟာ အသိဥာဏ်ပညာကို အလင်းရောင်ပေး၍ စာပေပိဋကတ်တို့ကို စောင့်ရှောက်ပါတယ်၊

ဗိဿနိုးရဲ့ ကြင်ယာတော် လက်ချမီးကတော့ ဥစ္စာဓန ကို တိုးပွါးပေးကမ်းစေတော်မူတတ်သော သခင်မ ဖြစ်ပါသတဲ့၊

ပါရာဝတီကတော့ လင်သား သျှီဝ ဘုရားနဲ့ စရိုက်လက္ခဏာ တူညီတယ်လို့ ဆိုပါတယ်၊

ဒါက ဥုံ ဆိုတဲ့ စကားလုံးလေးကို ကိုယ်စား ပြုတဲ့ ဘုရား ၃ဆူရဲ့ အကြောင်းပါ၊

ပုဏ္ဏားလေးက အပြောကောင်းလှသည်၊

“ဘန္တေရဲ့ ငါတို့မှာမှ ဖြစ်ခြင်း စောင်ရှောက်ခြင်း(တည်ခြင်း) ပျက်ခြင်း ရှိတာ မဟုတ်ဘူး၊

အစ္စလာမ်တို့ ခရစ်ယာန် တို့ရဲ့ GOD ဆိုတဲ့ စကားလုံးလေးကို ကြည့်လိုက်ဦး၊

G ဆိုတာ        generation

O ဆိုတာ          operation

D ဆိုတာ           destruction  ကဲ ဘာထူးလဲ”  တဲ့၊

အင်း သူ့ဟာနဲ့ သူ ဟုတ်တော့လည်း ဟုတ်နေတာပါပ၊ဲ

(ကမ္ဘာပေါ်မှာ အင်း သံယောင် အလိုက်တတ်ဆုံး ရွှေပြည်ကြီး သားပီပီ) “ohh right my friend”   ဆိုပြီး လက်မထောင်၊ ရမ်းသမ်း ထောက်ခံလိုက်တော့တာ၊ ကမ္ဘာကြီးရဲ့ ဖြစ်ခြင်း တည်ခြင်း ပျက်ခြင်းတွေ အသာထား ဘုရားတိုင်း ဘုရားတိုင်းကတော့ ကိုယ်ပိုင် အတွေးဆတွေနဲ့ လောကကြီးကို ငြိမ်းချမ်းသာယာစေချင်မှာပဲလေ၊

စစ်ပွဲတွေ သဘာဝဘေးအန္တရာယ်တွေ ဆိုတာ ကိုးက လူတွေ အနေထိုင် မတတ်လို့ ဖြစ်တာ ဒီလိုပဲ ကိုယ်က လတ်တလော ကောက်ချက်ချထားလိုက်တယ်၊။